🧧就快新年啦！🤩
過年一定會三五好友相聚食飯，未唸到聚腳點？
觀塘又開左一家新餐廳啦！🍽
未知會唔會係妳嘅選擇呢？😜
—
✅位置都算方便 (The Wave stadium 樓下)，餐廳佔全層空間感十足非常大！
✅裝潢走高檔型格路線，別具特色，開放式大廚房感覺幾正！👍🏻有小嘅二人枱 有大枱 有bar枱 有沙發圓枱 仲有房嫁！情侶至一大班朋友都啱！
✅食物選擇都頗多，有套餐有散叫，套餐全包價錢亦公道👍🏻
✳️不過唯一略厭係投射落牆壁嘅projectors 太多，影片播放太密集令食飯嘅時候好眼花有點唔舒服呢！😂🤭
——
1️⃣餐湯餐包
是日餐湯係西洋菜忌廉湯，西洋菜攪碎後煮成湯，真係好足料味道好豐富西洋菜味，唔錯呀！餐包烘得微溫外脆內軟👍🏻
2️⃣前菜
- 白酒忌廉汁煮澳洲藍青口
白酒忌廉汁煮得唔錯味道幾好，藍青口唔大隻口感稔左啲，不過不失！
- 加$38轉新鮮時令生蠔
生蠔幾肥算是新鮮肉甜，唔錯！
3️⃣雪葩
芒果味雪葩磨得細滑夠冰涼，味道清新，適合主菜前清下口腔，真係好味又貼心呀！
4️⃣主菜
🥩炭燒美國1855極佳級西冷牛扒伴西班牙辣肉腸炒荷蘭豆 手指薯伴黑松露燒汁 $328
西冷牛扒份量頗大，煎得外層微焦真係好有炭烤味好香👍🏻叫了五成不過略厭過左少少，但肉味真係好重越𡁻越香！
伴碟嘅荷蘭豆用少少辣肉腸炒幾惹味！
.
🍝海鮮輕辣蕃茄汁意大利粉 $248
首先海鮮配料幾豐富，有青口蜆魷魚大蝦魚肉等等！輕辣蕃茄汁外表睇落好淡色，但食落有海鮮鮮甜有蕃茄味又帶微辣，唔係普通蕃茄膏出品，意大利粉亦煮得口感啱好，有驚喜呀喂！👍🏻
5️⃣飲品
套餐無包飲品，叫了招牌的奶蓋茶價錢略貴😳鮮打奶蓋打得細滑但但發現味道只有微酸忌廉芝士味😭相信如果加少少岩鹽味道會更豐富！
——
#登堂
觀塘興業街4號The Wave2樓
click here for more 👉🏻#justfor觀塘 @ 登堂Downtown
Search